புரதம் ஒரு அத்தியாவசியமான ஊட்டச்சத்து ஆகும். அதை நாம் தவறாமல் எடுத்துக் கொள்வது முக்கியம். சில சமயங்களில் இவை உங்களின் எடையை குறைக்க உதவுவதற்கு பதிலாக எடையை அதிகரிக்க காரணமாக அமையலாம். இந்த எடை அதிகரிப்பு எப்படி நிகழ்கிறது என்பதற்கான ஐந்து காரணங்களை இப்போது பார்ப்போம்

ஒரு நாளில் அதிகப்படியான புரதத்தை எடுத்துக்கொள்வது நமக்கு சிக்கல்களைத்தான் ஏற்படுத்தும். அவை கண்டிப்பாக எடை இழப்பிற்கு உதவாது. கோழி மற்றும் இறைச்சிகள் வழியாக நாம் புரதத்தை பெறும்போது அவை புரதங்களை விடவும் அதிக அளவில் கலோரிகளை உடலில் சேர்க்கின்றன. எனவே நமது எடை கூடுவதற்கு வாய்ப்புகள் அதிகமாகிறது.

எனவே அசைவ புரத மூலங்களை எடுத்துக்கொள்வது எடை இழப்பிற்கு ஒரு தடையாக இருக்கலாம். இதற்கு அதிக சத்துள்ள வேறு புரத மூலங்களை நாம் எடுத்துக்கொள்ளலாம்.

ஒரு நாளைக்கு எடுத்துக்கொள்ளும் புரதத்தின் அளவு என்பது நபருக்கு நபர் வேறுப்படுகிறது. அவர்களின் உடல் எடை, வாழ்க்கை முறை மற்றும் அவர்களின் தேவையை அடிப்படையாக கொண்டு அமைகிறது. உங்களுக்கு தினசரி தேவைப்படும் புரதத்தை காட்டிலும் அதிக புரதத்தை நீங்கள் உட்கொள்ளும்போது அது உங்கள் உடல் எடையை அதிகரிக்க வாய்ப்புள்ளது.

மேலும் இது மனநல கோளாறுகள் மற்றும் மல சிக்கல் போன்ற சுகாதார பிரச்சனைகளையும் ஏற்படுத்த கூடும். எனவே நாம் அன்றாடம் சேர்த்து கொள்ளும் புரதத்தின் அளவில் விழிப்போடு இருப்பது முக்கியமாகும்

நமது உடலுக்கு அன்றாடம் தேவையான புரதத்தை சேர்த்துக்கொள்வது என்பது நல்ல விஷயம்தான். ஆனால் அதற்காக கார்ப்ஸ் (கார்போஹைட்ரேட்கள்)களை சேர்த்துக்கொள்ள கூடாது என அர்த்தமல்ல. குறைந்த அளவில் கார்ப்ஸ்ஸை எடுத்துக்கொள்ளும்போது அது நமது உடலுக்கு நன்மை பயக்கிறது. உடல் சர்க்கரை அளவு மற்றும் பசி ஆகியவற்றிற்கு முக்கிய காரணியாக கார்ப்ஸ் உள்ளது.

ஆனால் கார்ப்ஸ் விஷயத்தில் கவனமாக இல்லாவிட்டால் அது உங்கள் எடையை அதிகரிக்க செய்யும். எனவே உடலுக்கு தேவையான நல்ல கார்ப்ஸ்களை குறைவான அளவில் சேர்த்துக்கொள்ளவும். நமது உடலுக்கு அனைத்து ஊட்டச்சத்துக்களும் தேவைப்படுகிறது.

நீங்கள் உடற்பயிற்சி செய்யும்போது உங்கள் உடலில் உள்ள புரதமானது கார்ப்ஸை எரிக்கிறது. ஆனால் அதிக அளவு புரதத்தை எடுத்துக்கொள்வது மற்றும் மிகவும் குறைந்த அளவில் கார்ப்ஸை எடுத்துக்கொள்வது உங்களை சோர்வாக ஆக்கும். இதனால் உங்களால் சீரான அளவில் உடற்பயிற்சி செய்ய முடியாது.

மேலும் திட்டமிடாத உடற்பயிற்சிகளும் எடை பராமரிப்பில் பாதிப்பை ஏற்படுத்தும். எனவே உங்கள் உடற்பயிற்சிக்கு முன்னும் பின்னும் என்ன சாப்பிட வேண்டும் என்பது குறித்து நீங்கள் திட்டமிட வேண்டும்

எப்படி கார்ப்ஸ் குறைவாக இருப்பது உங்கள் உடலுக்கு பாதிப்பை ஏற்படுத்துகிறதோ அதே போல உங்கள் உணவில் நார்ச்சத்து குறைவாக இருப்பதும் அதிக பிரச்சனைகளை ஏற்படுத்தும். மேலும் புரத உணவு முறையை பின்பற்றும் பலரும் எதிர்க்கொள்ள கூடிய ஒரு பிரச்சனையாக இது இருக்கிறது.

நார்ச்சத்தானது உடலில் செரிமான அமைப்பை ஒழுங்குப்படுத்துகிறது. மேலும் இது குடல் ஆரோக்கியத்திற்கு உதவுகிறது. இது உடலில் இருந்து நச்சுக்களை வெளியேற்றுவதற்கும் எடை இழப்பை விரைவுப்படுத்துவதற்கும் உதவுகிறது. எனவே நார்ச்சத்து கொண்ட உணவுகளை உண்பதில் கவனம் செலுத்தவும். உங்கள் உணவு முறை எப்படி இருக்க வேண்டும் எனில் அனைத்து சத்துக்களும் சரியான விகிதத்தில் கிடைக்கும் வகையில் அவை இருக்க வேண்டும்